Մեր պատմությունը
Հիմն
Մեր առաքելության և ինքնության մաս՝ ՀԵՆՔ-ը ներկայացրեց իր հիմնը դիմադրողականության, միասնության և նպատակաուղղվածության երաժշտական արտահայտություն։
0:00 / 0:00
Գաղափարի ծնունդը
Համաշխարհային և ազգային մարտահրավերների պայմաններում, տեխնոլոգիական ոլորտի մի խումբ մասնագետներ և գիտնականներ հավաքվեցին ընդհանուր տեսլականի շուրջ՝ օգտագործել գիտությունը որպես հզորացման և ազգային ամրապնդման միջոց։ Այսպես ծնվեց ՀԵՆՔ-ի գաղափարը՝ աջակցելու պատերազմից տուժած անձանց, հատկապես վիրավորում ստացած և հաշմանդամություն ունեցող մարտիկներին։
Հիմքերի ստեղծումը
2021 թվականի ապրիլի 26-ին ՀԵՆՔ-ը պաշտոնապես հիմնադրվեց որպես շահույթ չհետապնդող հիմնադրամ։ Գործունեության առաջին տարում հավաքագրվեց հիմնական անձնակազմը, սկսեցին մշակվել ծրագրեր՝ գործունեության բոլոր ուղղություններով, և հաստատվեցին համագործակցային հարաբերություններ ՀՀ և միջազգային բուհերի, ինչպես նաև մի շարք առաջատար տեխնոլոգիական ընկերությունների հետ։
Առաջին հաջողություններ
2021 թվականի հոկտեմբերին մեկնարկեցին մեր առաջին ծրագրերը, որոնց շահառուները հիմնականում 44-օրյա պատերազմի մասնակիցներն էին: Վեբ ծրագրավորման և արհեստական բանականության (AI) դասընթացներին զուգընթաց մասնակիցները ստանում էին նաև սոցիալական և վերականգնողական աջակցություն։
